New Year Gift Idea - 2

Дотны хүмүүстээ бэлэг өгөхөд тань тус болох зарим нэг санаагаа үргэлжлүүлж байна. Бэлэг заавал үнэтэй, чамин тансаг байхдаа гоё байдаггүй, харин зөв цагтаа зөв хүндээ зөв зүйлийг нь бэлэглэвэл тэр жинхэнэ сайхан бэлэг болдог юм шиг санагддаг.
Та нартаа саяхан өөрийн авсан бэлгээ үзүүлж байна. Миний хувьд ойрд аваагүй тийм гоё бэлэг байлаа. Bob Dylan бол миний style icon. Түүний огт хичээгээгүй өөрийнхөөрөө байдаг байдалд нь би үнэхээр дуртай. Үүнийг найз маань мэддэг болохоор надад ийм гоё гэнэтийн бэлэг өгсөн. 

Bob Dylan-ы альбом коверууд

New Year Gift Idea - 1

Өөрийн сайн найзынхаа дотоод үзэл бодлыг мэддэг бол Та заавал гоё чамин цаас, туузаар ороосон бэлэг өгөх албагүй. Аливаа зүйлийн гадаад байдлаас илүүтэйгээр дотоод мөн чанар, үзэл санаа илүү үнэ цэнэтэй, бас сэтгэл хөдөлгөдөг.

I love knitwear

Sketch by TheHand

High waisted pants

Зарим хүний хувьд удаан хүлээсний эцэст дээр суудалтай өмд нилээн серёзный байдлаар эргэн ирж байх шиг байна. Яахав урьд нь зарим нэг дизайнер санал болгож байсан тэгэхдээ энэ удаагийнх шиг олноороо дайралт хийж өмсөхөөс өөр гарцгүй болгож байгаагүй байх.
Дээр суудалтай өмд бэлхүүсийг тодотгож (Audrey Hepburn-ийн хар жижигхэн өмдийг санаарай) эмэгтэй хүн өмд өмсвөл яг л ингэж харагдах ёстой байх гэж бодогдуулдаг. Нэг хэсэг өмдний суудал маш намсаж охидууд эмэгтэйчүүд бэлхүүсгүй болсон гэдэг яриа байдаг ер нь бол үнэний хувьтай энэний бурууг McQueen-д өгөх хэрэгтэй байх.  Одоо эргээд алдсан бэлхүүсээ олж авцгаах цаг болж байх шиг байна.

Try them if you dare

Өөрийгөө сэтгэл татам харагдуулахын тулд заавал богино, маш бариу даашинз өмсдөг байдлаас бага зэрэг татгалзаад иймэрхүү шинэ загваруудаас туршвал ямар вэ гэж бодлоо. Одоо шинэ жил болох гээд бүгд л дор бүрнээ ямар нэг юм төсөөлж байгаа байх. Гоё юм бодож байгаад, цагийг нь тулгаад тааралдсан дэлгүүрээсээ байдаг л нэг даашинз авбал харамсалтай. Одооноос санаагаа олоод бэлдэж эхлээрэй. Энэ удаад бид аль болох бага арьс гарсан ч цаанаа л зэвүүн биеийн зарим хэсгээ торны цаанаас гэрэлтүүлж бусдаас ялгарвал ямар вэ гэж санал болгож байна.

Music of the day

Франц кинонууд цаанаа л нэг өөр байх юмаа. The Intouchables - бодит амьдралаас сэдэвлэсэн киног үзлээ. Хөгжлийн бэрхшээлтэй хэн ч бай түүнтэй яг л хүн шиг харьцах тухай!

Chanel pre-fall 2013

Pre-fall 2013 гараад эхэлсэн байна. Загварийн орднууд 2 улирлын коллекц хийдэг байсан ч хурдацтай хөгжиж байгаа загварын хөгжил хүмүүсийн байнга шинийг хүсч байгаа хүлээлтийг гүйцэлдүүлэхийн тулд жилд 4-6 коллекц гаргадаг болсон нь нэг талаараа сайхан ч бас нөгөө талаараа чанаргүй болж байгаа. Саяхан л гэхэд 2013 оны зуны загварын долоо хоног дууссан. Одоо бид эргээд л ирэх өвлийн эхэнд юу өмсвөл дээр вэ гэдгээ харж болох нь. Загвар ямар ч нарийн болоод байна даа. Тун удахгүй яг өвөл болохоор юу өмсөхөө харах болно.

Карл Лагерфилд Шанелд зориулсан коллекцоо энэ удаад ноос ноолуураар бөмбөгджээ. Хэдэн сарын өмнө Шанел Шотландын томоохон нэхмэлийн үйлдвэрийг худалдаж авсан болохоор ёстой л юмтай хүн юмаараа гайхуулна гэдэг шиг загварууд хийжээ. Тэгэхдээ нэг сонин юм нь стайлинг. Яг 90 оны загварын сэтгүүлээс гараад ирчихсэн юм шиг моделуудын нуур будалт үс засалт. Бид нар 90 оныг эргэж авчрахад бэлэн үү? Магадгүй бэлэн болсон байх. Миний хувьд Dries Van Noten-ы 90-ээд оны гранжийг өөрийнхөөрөө гаргасан нь илүү таалагдсан. Түүний энэ удаад юу хийхийг хүлээж байна.

RED

Өнгөний талаар урьд нь бичиж байсан болохоор үүнийг үргэлжлэл гэж хэлж болно.

Өнгөний стереотипууд эсрэг хүйстнээ татахад нөлөөлдөг эсэх болон өнгө хүнийг сэтгэл булаам харагдахад нөлөөлдөг үү гэдэг дээр олон судалгаа хийгдсэн байдаг юм байна. 

Sexy харагдуулдаг өнгө гэхээр ямар өнгө хамгийн түрүүнд бодогддог вэ? 

Ихэнхдээ улаан гэсэн байна. Улаан уруулын будаг, улаан даашинз, улаан дотуур хувцас.

Улаан өнгө сэтгэл татах ид шидтэй бол улаан өнгийн хувцас өмссөн эмэгтэй илүү үзэсгэлэнтэй харагддаг уу гэдэг асуултын хариулт тийм болж байна, яагаад гэвэл холливудын олон кинонуудад улаан даашинзтай хэсгүүд сэтгэлд үлдсэн нь их байдаг. Жишээ нь: Жулиа Робэртс Хөөрхөн хүүхэн киноны хэсэгт бас American beauty киноны улаан сарнайн дэлбээгээр бороо ордог хэсгийг хэн мартаж чадах билээ дээ.

Холливуд ингэж боддог бол бодит байдал дээр үүнийг хэрхэн баталсан нь сонирхолтой. Нэг эмэгтэйд ижилхэн улаан болон цэнхэр өнгийн цамц өмсүүлсэн зургийг эрэгтэй хүнд үзүүлээд аль нь илүү дур булаам харагдаж байгааг асуухад ихэнх нь улаан цамцтайг сонгоод, хэрвээ болзоонд явбал улаан цамцтай эмэгтэйд илүү их цаг болон мөнгө зарцуулахад бэлэн байна гэсэн байна. Дараагийн туршилт нь тэр эмэгтэйд нэг өнгийн цамц өмсүүлж улаан ногоон цагаан саарал хананы өмнө зогсоосон зургийг үзүүлэхэд улаан хананы өмнө байгаа зургийг илүү дур булаам гэж сонгожээ. 

Улаан өнгө зөвхөн дур булаам байдлыг илэрхийлээд зогсохгүй хүч чадал баялгийг илтгэдэг байна. Жишээ нь: Хүчирхэг улаан зангиа, улаан спорт машин барьдаг залуу гэх мэт тогтсон ойлголтууд байдаг. Тэгэхээр улаан өнгө эр эм аль ч хүйсэнд хүч чадал, дур булаам байдлг илэрхийлдэг. Гол нь тунг нь тааруулах л чухал бололтой.

Хэрвээ болзоонд явах гэж байгаа бол үүнийг туршаад үзэхэд илүүдэхгүй байх. Тэр чигээрээ улаан болох нь ч хаашаа юм өөрийн хүсэл зоригоос хамаараад эхний ээлжинд улаан уруулын будаг, улаан гоёл чимэглэл, улаан гутал ядаж л улаан улыг туршаад үзэх хэрэгтэй байх.

Music of the day

Hi all!!!

Шинэ блогоороо уулзаж байгаадаа маш их баяртай байна. Яг үнэндээ энэ өдрийг удаан хүлээлээ. Ойрдоо их хүйтрээд жоохон тиймэрхүү байгаа ч өвөл дуусах бас тийм ч хол биш санагдаад байгаа.

Ойрдоо Ondotropica гэдэг шинэ хамтлаг нээгээд, энэ дуунд нь их дуртай болоод байгаа. Та нар сонсоод зун далайн эрэг дээр нимгэн даашинзтай (залуучууд нь тааран өмдтэй) хөл нүцгэн алхаад нар жаргахыг харж байна гэж төсөөлөөрэй.

Өдрийг сайхан өнгөрүүлээрэй.

Dear Sun

I love winter 2

Colour and rule

Сүүлийн үед хүмүүсийн яриа бас зарим нэг фактуудаас үүдээд би бодсон зүйлээ хуваалцъя гэж бодлоо. Бүр бага байхаас л хааяа зурагтаар загварын нэвтрүүлэг гарахаар өнгөний зохицлын талаар ярьж, аль аль өнгө хоорондоо зохидог вэ гэж мэргэжлийн хүнээс зөвлөгөө авдаг байсан.

Нөмөрч буй арьсандаа сэтгэл хангалуун байх

Үүнийг би байж байгаад л нэг санадаг. Тэгээд энэ бодол хуримтлагдсаар байгаад дээд цэгтээ хүрлээ. Эргэн тойрны маань бүх эмэгтэйчүүд, охид өөртөө ямар нэг байдлаар сэтгэл хангалуун биш байдаг (цагтаа би мөн тэд нарын нэг байсан). Миний төгс гэж боддог хүн өөрөөсөө дор хаяж 4-н засч залруулах шаардлагатай эрхтнийг юу ч бодолгүй тоочиж байх юм. Би урьд нь Албер Элбазын нэг ярилцлагыг нийтэлж байсан. Тэрэн дээр тэр хэлэхдээ би секси гэдэг үгний утгийг мэдэхгүй, гоо сайхны стандарт гэж юу байдгийг мэдэхгүй гэсэн байсан. Үнэхээр яг бодоод үзэхээр хэн ер нь ямар новшийн стандартаа тархиныхаа аль хэсэгт бодож ямар мэдрэмжээрээ харсныгаа хэлж, тэрийг нь эргэн тойрны маань мянга мянган хүмүүс дагаж мөнгөтэй бол өөрийгөө пластик хирургт даатгахад бэлэн болгож чадаж байнаа. Тэд биеийг чинь огтолж, цүүцдэж хаа хамаагүй гадны биетыг зарим газарт чинь чихээд чамайг өөр хэн нэгэн болгож хаях сайхан гэж үү?

Дизайнер Карл Лагерфильд бас л би стандарт гоо сайханд дургүй, гаж өвөрмөц зүйлгүйгээр гоо сайхан гэж байхгүй гэж хэлсэн байдаг. Мөнхийн залуу нэг ч үрчлээгүй, цасан цагаан, зорсон юм шиг биетэй эмэгтэйгээр Монгол улс дүүрвэл тэр дунд би л хувьдаа арай өөр хэн нэгнийг харвал нүд маань сэргэнэ гэдэгт итгэлтэй байна.

Эрүүл саруул бодож сэтгэх сурах чадвартай төрчихөөд зөвхөн гадаад байдалдаа гутарч явна гэдэг сэтгэцийн нэг төрлийн эмгэг. Илүүдэл жингийхээ грамм болгонд нэг ном унш гэдэг үгийг нэг кинон дээрээс сонсож, бас их таалагдаж байсан. Заримдаа үнэхээр бүтэшгүй зүйлийг мөрөөдөж өөрийгөө голж мохоож суухаар өөрийн чадах хийх боломжтой зүйлдээ тэр хайран сайхан цагийг зориулж чадвал магадгүй бид хэдэн ч шинэ хэл сурч, мэдлэгийн хүрээ,  ертөнцийг үзэх үзэл маань өөр түвшинд очих байх.

Good old times 2

the HAND team: Recycled art

Good old times 3

My "ONLY ONE" clutch

OOTD

Style vs Fashion

Энэ артикл их таалагдаад чадахаараа орчууллаа. Их л сонирхолтой бас гоё оновчтой үгээр бичиж.

Дизайнерууд хормойн уртыг тогтоодог уу гэсэн асуултанд аугаа Дайан Врийланд “зөвхөн түүнийг нь дагадаг тохиолдолд, тийм” гэж хэлснээрээ загварын ертөнц дэх заагийг илчилсэн. Стиль бол чи өөрөө болон чиний өөртэйгээ холбогдох харилцан хамаарал. Загвар хувцасыг илэрхийлдэг бол стиль хувцасыг өмсөгчийг илэрхийлдэг. Энэ 2 зүйлийг ялгах өөр тодорхойлолт байхгүй байх.

Зах зээл өргөжихийн хирээр худалдан авалт ихсэж, үүний үр дүнд стиль хэдэн арван жил моодноос гараад байсан. Стиль гэдэг зүйл зориг, бүтээлч зан хоёрыг шаарддаг бол загвар зээлийн карт шаарддаг.

Стиль загвараас хувь дээгүүр оршдог. Энэ бол өөрийгөө хувь хүн талаас нь өөрийнхөөрөө өвөрмөцөөр илэрхийлэх арга. Энэ бол мэдрэмж, оюун ухаан, төрөлх чанарын нэгдэл ертөнцийн бусад бодит зүйлсээр баяжигдаж гардаг өвөрмөц зохицол. Энэ бол хүн жинхнээсээ загварлаг харагдахыг хүсэхдээ хийдэг зүйл (тэгэхдээ өөрийгөө зөвхөн үнэтэй логогоор булаагүй тохиолдолд).

Хувцаслах болгондоо бид өөрсдийгөө шинээр нээж байдаг. Бидний хувцасны шүүгээ бол бидний үзэгдэх үгийн сан. Стиль бол бидний ярих хэв маяг, өөр өөрсдийн маань зохиосон яруу найраг.

Чи өөрийгөө олж мэдээгүй байж стильтэй байна гэж байхгүй. Яг л бусад мэдлэгийн адил стилийг хүн баяжуулж шинэчилж баталж байдаг.

Хүн бүр өөрөөрөө байж өөрөөрөө харагдаж илэрхийлэгдэхийг хүсдэг. Үүнийг бодит болгоход стиль чиний тусгал болж зан чанар, хувь хүний төлөөлөл болдог, харин ингэж чадахгүй бол театрийн хувцаснаас өөрцгүй.

Стиль загварын нэг хэсэг. Маш их хувцастай ч ширхэг ч стиль илэрхийлэхгүй байж болдог бол цөөн хэдэн хувцасаар маш их стилийг илэрхийлж болдог.

Коко Шанель стильд хувьсгал хийсэн тэгэхдээ эсрэг тал руу нь. Тэр ихэнх зүйлсийг тайчиж хаяулаад, бидний өнөөдрийн хэмжээний ойлголтонд аваачсан. Хувцасыг энгийн болгож, бүх хэлбэр шугамыг тодорхой болгож, биед эвтэйхэн бас сэтгэл хөдлөлөө илэрхийлэх боломжтой болгосноор хувцасанд өмссөн хүнийхээ тусламжтайгаар амилах боломжийг олгожээ. Жолооны бээлий, нүдний шил, сафари хүрэм зэрэг цөөхөн хэдэн загварын хуулийг тогтоодог зүйлс оршиж хэзээд л стилиний байж чаддаг. Бүгдээрээ л үйл хөдлөл, үйлдэл, догдлолыг илэрхийлж байдгаас нэг дороо суухыг илэрхийлдэггүй. Коко Шанель эдгээрийг зохиогоогүй ч үүсэн бий болох замыг нь зааж өгсөн.

Эцэст нь стиль бол нүдэнд харагддаг өөдрөг үзэл. Стильтэй байснаараа чи өөрөө сонирхолтой хүн, дэлхий ертөнц бол сонирхолтой газар, амьдрал бол чармайлт зүтгэл гаргахуйц үнэтэй зүйл гэдгийг илэрхийлдэг. Жинхнээсээ стильтэй байна гэдэг нийгэмд хариуцлагатай байна гэсэн үг.

the HAND team and Niislel Guide

Манай блог Niislel Guide сэтгүүлийн 7 сарын дугаарт трэнд сэдэв дээр хамтран ажиллаа. Бид аялалын таван өөр дүр төрх гаргасан байгааг та бүхэн гадуур дөнгөж өнөөдөр тараагдаад буй сэтгүүлээс үзэхийн зэрэгцээ өшөө аялалын олон хэрэгтэй мэдээллүүдтэй хамтатган үзэж уншаарай. Та бүхэн энэ зуныг хэзээ ч мартагдахааргүй зугаатай, хөгжилтэй, дурсамж дүүрэн өнгөрөөхийг хүсье. 

the HAND team

Манай баг нилээн хэдэн project дээр ажилласны дараа  Personal Photo Shooting хийсэн анхны ажлаа та бүхэндээ танилцуулж байгаадаа баяртай байна. Энэ үзэсгэлэнт бүсгүй манай анхны захиалагч бөгөөд бидэнтэй хамтран ажилласанд бид чин сэтгэлээсээ талархлаа илэрхийлье. Түүний төрсөн өдөрт зориулж манай creative баг энэ бүтээлээ хийсэн билээ.

Inspiration

Mongol Shuudan in London Fashion Week

Гарчиг уншаад гайхаж байна уу? London Fashion Week эхлээд ид явж байна. Fashion Week-үүдээс London FW-д би илүү дуртай. Яагаад гэвэл тэд үргэлж шинэлэг зүйлүүдийг гаргаж байдаг. Энэ удаад ч урд урьдынх шиг олон сонирхолтой загваруудыг танилцуулж байна. Түүний нэг нь дизайнер Mary Katrantzou шуудангийн маркнуудаас санаа авч загвараа бүтээжээ. Үүнд Монгол шуудангийн маркнуудын зургийг хээ болгон оруулсан хэд хэдэн загваруудыг та нар харж байна. Гайхалтай гэхээс өөр юу гэхэв.

Өнөөдөр бас нэг зүйл олж үзсэн. Юу гэхээр Монгол гэрийг маань гадны хэдэн нөхөд контэйнер контэйнерээр нь гаргаж худалдаалж байх юмаа. Тэд Groovy Yurts гэсэн retailing company байгуулаад манай гэрүүдийг USA and Canada улсын хөдөөгүүр түгээж нийлүүлж байна. Хамгийн гоё нь тэд нутагтаа бариад амьдарч байнаа. www.groovyyurts.com гээд ороод үзээрэй. Үнэхээр сонирхолтой. Тэд бидний хийхгүй байгаа зүйлийг олж, харж, хийсээр.

Today's quote

Tired of being sexy

Shanghai

Саяхан ажлаар Шанхай яваад ирлээ. Миний хувьд очиж үзээгүй хот учраас үзэх харах юм ихтэй гоё хот байлаа. Эртнээс порт хот байсан учраас европын болон дорнийн соёлтой, ер нь бол европ азийг нэг дор харж болно.

Prejudice or the Feminine side of me

Найзынхаа тусламжтайгаар дотроо бодож байсан нэгэн хүслээ ажил хэрэг болгосондоо их баяртай байгаа бөгөөд блог дээрээ тавих зориг (эсвэл би өөрөө өөртөө таалагдсан учраас) надад байгаагаа мэдлээ. 

Today's quote

Happy Victims

За нэгэнт өөрийгөө загварын золиослогч болгогчдын талаар ярьж эхэлсэн болохоор цааш нь жоохон ярьчихъя гэж бодлоо. Саяхан авсан номоо уншиж байгаад нэг сонин юм олж мэдлээ. Инээдтэй ч юм шиг өрөвдөлтэй ч юм шиг эсвэл дизайнерийн хувьд бахархмаар ч юм шиг яг ямар рeакц үзүүлэхээ мэдэхгүй л боллоо.

I have a dream

Энэ зургийг саяхан нэг Америк найз маань явуулсан юм. Миний бодлоор түүнийг жинхэнэ галзуу гэж хэлэх байх. Тэгэхдээ эерэг талаараа галзуу. Тэр өөрийгөө олохын тулд буурай хөгжилтэй орнуудаар хамгийн осолтой аялалыг хийхийн зэрэгцээ сурах бололцоогүй хүүхдүүдэд англи хэлний хичээл зааж хүмүүнлэгийн ажил хийдэг байсан ба Монголд хүүхдийн хориход англи хэлний багш хийхээр явж байхад нь би анх танилцсан. Түүнээс хойш би түүнтэй сайн найзууд болцгоосон. Тэр 2 жилийн өмнө нутагтаа очоод нийгмийн халамжийн чиглэлээр магистрын зэрэг хамгаалаад одоо дэлхийн халуун цэгүүдийн нэг рүү нь очиж ажиллахаар төлөвлөж байгаа гэсэн.

Би яагаад үүнийг бичих болсон бэ гэвэл хүн бүр түүн шиг мөрөөдөлтэй байж мөрөөдөлдөө хүрэх зоригтой байгаасай гэсэндээ юм (Үүнийг би өөртөө бас хэлж байгаа).

Хэрвээ чамд мөрөөдөл байгаа бол мөрөөдөл чинь чиний муу зүйлсийг ялна.

Summer is soon!!!

Dries is God

 Өглөө ямар гоё эхэлж байнаа. Миний хүсэн хүлээж байсан дизaинерийн шоу гарсан байна. Dries van Noten хэзээ ч миний хүлээлтийг хөсөрдүүлж байгаагүй. Энэ удаад ч тэр чаджээ.Минийхаар Dries хэт хичээлгүйгээр гайхалтай харагдаж болох төгс загваруудийг бүтээгч. Хичээлтгүй төгс харагдах гэдэг хэн болгоний чадах зүйл биш магадгүй зөвхөн мастерууд хийдэг байх даа.

Түүний энэ удаагийн коллекц Курт Кобайн болон гранж урсгалийн үеээс сэдэв авчээ.

Намайг солиотой гэж бодсон ч болно би тэхдээ яг одоо уйлмаар байна.

Bravo Dries!!!

In Rain

I love Alber Elbaz

Өнөөдөр өөрийн дуртай дизайнеруудын нэг, одоо Францын Лонвоон загварын ордны арт директор Албер Элбазын нэг гоё ярилцлагыг хуваалцъя гэж бодлоо. Үүнийг сонсох бүрт надад өөрийнхөөрөө байх, ертөнцийг мэйнстрим биш өөр өнцгөөр харах цаг ирсэн гэж бодогддог. Заримдаа надад түүн шиг нүдний шил зүүж том бантик зангидах их гоё санагддаг. Үүнийг уншиж дуусаад би охидыг эмэгтэй болж төрснөөрөө бахархаж, дэлхий дээр гоо сайхны стандарт байдаггүйг ойлгож өөрөөсөө хайхаа больж, бас секси гэдэг үгийг нэг их хэрэглэхээ болино байх гэж бодож байна. 

Today's quote