Culture CHANEL /part1/

Амьд явбал алтан аяганаас ус ууна гэдэг шиг нэг л өдөр Chanel-н үзэсгэлэнг үзэх аз завшаан тохиолдсонд мөн түүнийгээ та нартайгаа хуваалцаж байгаадаа баяртай байна.
Хятад улсийн Гуанжоу хотын дуурийн театрт Culture CHANEL нэртэй үзэсгэлэн нээгдээд багагүй хугацаа өнгөрч байна. Загвар сонирхдог тухайн салбарт ажилладаг, сурдаг эсвэл Chanel-д дуртай хүн бүр энэ үзэсгэлэнг очиж үзэх хэрэгтэй гэж бодогдсон.
Түүнийг хувцасны түүхэнд агуу том өөрчлөлт гаргасныг нь мэдэхээс биш хүмүүс төдийлэн түүнийг Пикассо, Модиглиани нартай нөхөрлөж Дагилевтай хамтран "Le train bleu" балетийн загварыг гаргаж байсныг мэдэхгүй байх.
Түүний амьдрал тэр чигээрээ шинэ уур амьсгал, байнгын хөдөлгөөн, хайр, мөрөөдөл, шинэ санаагаар дүүрэн байсныг илтгэхээр тухайн үзэсгэлэн breath, move, love, dream, invention гэсэн хэсгүүдээс бүрдэнэ. Нийт үзэсгэлэн "Le train bleu" балетийн санаан дээр нэгдэх бөгөөд үйл явдлын холбоос түүний загварууд, Пикассо болон Модиглианигийн гар зураг, балетийн хэсэг болон түүний амьдралтай холбоотой ховор фото зургууд юм.

Үзэсгэлэнгийн нэг том зүйл нь Пикассогийн зурсан  "Le train bleu" балетийн арын хөшиг. Энэ бүтээл Пабло Пикассогийн хамгийн том бүтээлд тооцогддог.